ԱՄՆ դեսպանատան աշխատակիցներին հրահանգված է շտապ լքել Իսրայելը
ԱՄՆ Պետդեպարտամենտը թույլատրել է Իսրայելում գտնվող իր պետական ծառայողներին, որոնք ներգրավված չեն արտակարգ գործառույթներում, ինչպես նաև նրանց ընտանիքների անդամներին լքել երկիրը՝ անվտանգության նկատառումներով։ Տեղեկությունը հրապարակել է Իսրայելում ԱՄՆ դեսպանատունը։
Դիվանագիտական ներկայացուցչության հայտարարության մեջ նշվում է, որ նշված անձինք պետք է դիտարկեն երկրից դուրս գալու հնարավորությունը, քանի դեռ գործում են առևտրային չվերթներ։ Միաժամանակ ընդգծվում է, որ անվտանգության միջադեպերի դեպքում դեսպանատունը կարող է առանց նախնական ծանուցման լրացուցիչ սահմանափակել կամ ամբողջությամբ արգելել ԱՄՆ պետական ծառայողների և նրանց ընտանիքների անդամների տեղաշարժը Իսրայելի առանձին շրջաններում, Երուսաղեմի Հին քաղաքում և Հորդանան գետի Արևմտյան ափում։
Ամերիկյան լրատվամիջոցների փոխանցմամբ՝ Իսրայելում ԱՄՆ դեսպան Մայք Հաքաբին էլեկտրոնային նամակ է ուղարկել աշխատակիցներին՝ հորդորելով ցանկության դեպքում մեկնել հնարավորինս շուտ։ Նրա խոսքով՝ առաջնահերթ նպատակն է արագորեն լքել երկիրը՝ անհրաժեշտության դեպքում ուղևորությունը շարունակելով դեպի Վաշինգտոն։
