Զախարովան կեղծ է համարում Քլինթոնի ցուցմունքները
Ռուսաստանի ԱԳՆ պաշտոնական ներկայացուցիչ Մարիա Զախարովան կեղծ է անվանել ԱՄՆ նախկին պետքարտուղար Հիլարի Քլինթոնի ցուցմունքները՝ Ջեֆրի Էփշտեյնի գործի շրջանակում։
Զախարովայի խոսքով՝ ԱՄՆ նախկին պետքարտուղարի ներկայացրած տվյալները չեն համապատասխանում իրականությանը։ Նա նաև պնդել է, որ ԱՄՆ նախկին նախագահ Բիլ Քլինթոնը տեղյակ է եղել ֆինանսիստ Ջեֆրի Էփշտեյնի գործունեությանը, որը նախկինում մեղադրվել էր անչափահասների նկատմամբ սեռական բնույթի հանցագործությունների մեջ։
ՌԴ ԱԳՆ ներկայացուցչի գնահատմամբ՝ Էփշտեյնի գործը շարունակում է բազմաթիվ հարցեր առաջացնել ամերիկյան քաղաքական վերնախավի ներգրավվածության վերաբերյալ։ Զախարովան ընդգծել է, որ այս թեման մնում է միջազգային հանրության ուշադրության կենտրոնում։
Հիլարի կամ Բիլ Քլինթոնների կողմից Զախարովայի հայտարարություններին առայժմ հրապարակային արձագանք չի եղել։
