ՏԵՍԱՆՅՈՒԹ. Հրաձգություն Փարիզում. կա զոհ և վիրավորներ
Փարիզի 11-րդ թաղամասում գտնվող նարգիլեի բարում տեղի ունեցած հրաձգության հետևանքով կա զոհ և վիրավորներ։ Այս մասին հայտնում են ֆրանսիական լրատվամիջոցները։
Ականատեսների վկայությամբ՝ հուլիսի 19-ին ժամը 21:30-ի սահմաններում, երկու հոգի դուրս են եկել մեքենայից և կրակ բացել պատշգամբում նստած այցելուների ուղղությամբ։ Հրաձգության հետևանքով մեկ մարդ զոհվել է, ևս չորսը՝ վիրավորվել։
Շրջանային ոստիկանության պետը հայտնել է, որ երկու հարձակվողներից մեկը բերման է ենթարկվել, իսկ երկրորդը դեռ ազատության մեջ է։
Վերջին տվյալներով՝ հայտնի չէ նրանց ինքնությունը և դրդապատճառները։ Ոստիկանների հաղորդմամբ միջադեպը ահաբեկչության հետ որևէ առընչություն չունի:
