Ֆրանսիան նոր վարչապետ ունի
Էմանուել Մակրոնը Էլիզաբեթ Բորնին նշանակեց Ֆրանսիայի նոր վարչապետ և հանձնարարեց նրան կառավարություն ձևավորել: Այս մասին գրում է Интерфакс-ը:
Էմանուել Մակրոնը Էլիզաբեթ Բորնին նշանակել է Ֆրանսիայի նոր վարչապետ և նրան հանձնարարել է կառավարություն ձևավորել։
Ֆրանսիական լրատվամիջոցները նշում են, որ Բորնը դարձել է Ֆրանսիայի պատմության մեջ երկրորդ կինը, ով զբաղեցրել է կառավարության ղեկավարի պաշտոնը։ Նրանից առաջ 1991-1992 թվականներին այդ պաշտոնը զբաղեցնում էր Էդիթ Քրեսոնը:
61-ամյա Բորնը Ֆրանսիայի աշխատանքի նախարարության ղեկավարն է 2020 թվականի հուլիսից, մինչ այդ նա եղել է շրջակա միջավայրի, տրանսպորտի և բնակարանային ապահովության նախարարը։
