Ընդդիմության «առաջին 3 քայլերը՝ Նիկոլ Փաշինյանի հրաժարականին հասնելուց հետո»

Իշխան Սաղաթելյանն ընդդիմության այսօրվա հանրահավաքի ժամանակ հայտարարել է, որ վաղը երեկոյան եղանակային պայմանների պատճառով հանրահավաք չի լինելու, սակայն ամբողջ օրվա ընթացքում լինելու են անհնազանդության ակցիաներ:

Նա նաև նշել է, թե որոնք են լինելու «ընդդիմության առաջին 3 քայլերը» Նիկոլ Փաշինյանի հրաժարականին հասնելուց հետո.

«....լինելու են  պետության ողնաշարը հանդիսացող համակարգերի վերակենդանացումը։ 

Սպառողական, արժեք չստեղծող տնտեսության փոխարեն՝ մրցունակ ու առաջադեմ, նոր տեխնոլոգիաների վրա հիմնված տնտեսություն,  

Կազմաքանդված, բարոյալքված բանակի փոխարեն՝ իրապես մարտունակ,  սպառազինություններով հագեցած  զինված ուժեր, ոչ միայն պաշտպանողական, այլ հարկ եղած դեպքում նաև պաշտպանողական բանակ,մուրացիկ դիվանագիտության փոխարեն ազգային շահերի վրա հիմնված

պրոֆեսիոնալ, նախաձեռնողական, գործընկերային, բայց ոչ ստրկական արտաքին քաղաքականություն։ Արտաքին քաղաքականության ոլորտում պետք է հանդես գանք մեր օրակարգով, Րացախի ու Հայաստանի շահերն սպասարկող օրակարգով»։