ՄԱԿ-ի գլխավոր քարտուղարը հայտնել է, որ հասկանում է Մոսկվայի պնդումները
ՄԱԿ-ի գլխավոր քարտուղար Անտոնիու Գուտերեշը Ռուսաստանի նախագահ Վլադիմիր Պուտինի հետ հանդիպման ժամանակ ասել է, որ հասկանում է Մոսկվայի պնդումները Ուկրաինայի և Եվրոպայում անվտանգության վերաբերյալ և կարծում է, որ դա պետք է լուծվի։ Այս մասին գրում է ТАСС-ը:
«Ես հասկանում եմ, որ Ռուսաստանը մի շարք բողոքներ ունի Ուկրաինայում տեղի ունեցող իրադարձությունների, ինչպես նաև եվրոպական և համաշխարհային անվտանգության հետ կապված… (այն) պետք է լուծվի ՄԱԿ-ի կանոնադրությամբ առաջարկվող տարբեր փաստաթղթերի հիման վրա», - ասել է Գուտերեշը:
Պուտինի և Գուտերեշի զրույցը տևել է մոտ մեկ ժամ։ Այն, որ ՄԱԿ-ի գլխավոր քարտուղարը հանդիպել է ՌԴ նախագահի հետ, հայտնի է դարձել այսօր ավելի վաղ։ Կրեմլում բանակցություններ վարելու քաղաքական գործիչների մտադրության մասին ավելի վաղ հայտնել էր նախագահի մամուլի քարտուղար Դմիտրի Պեսկովը։ Նա նաեւ հայտնել է, որ ՄԱԿ-ի գլխավոր քարտուղարը գալու է Ռուսաստան՝ հանդիպելու արտգործնախարար Սերգեյ Լավրովի հետ։
