Ալիևը Մակրոնին խնդրել է օգնել Հայաստանի հետ համաձայնագիր կնքել իր պայմաններով
Ադրբեջանի նախագահ Իլհամ Ալիևը շնորհավորել է Էմանուել Մակրոնին՝ Ֆրանսիայի նախագահի պաշտոնում վերընտրվելու կապակցությամբ։
Ալիեւն իր շնորհավորանքի տեքստում անդրադարձել է Հարավային Կովկասում իրավիճակի զարգացմանը, մասնավորապես՝ «Հայաստանի եւ Ադրբեջանի միջեւ հարաբերությունների կարգավորման գործընթացին»։
Նա հույս է հայտնել, որ Ֆրանսիան «կաջակցի Հայաստանի և Ադրբեջանի միջև հարաբերությունների կարգավորման գործընթացին և երկու երկրների միջև Ադրբեջանի ներկայացրած սկզբունքների հիման վրա խաղաղության համաձայնագրի նախապատրաստմանը»։
Ըստ Ադրբեջանի նախագահի՝ դա Հարավային Կովկասում կապահովի կայուն խաղաղություն և կայունություն։
