Ֆրանսիայի համար այս պահին դժվար է հրաժարվել ռուսական գազից. Մակրոն
Ուկրաինայում հատուկ գործողության ֆոնին Ֆրանսիայի համար այս պահին դժվար է հրաժարվել ռուսական գազից։ Այս մասին Ouest France-ին տված հարցազրույցում ասել է Ֆրանսիայի նախագահ Էմանուել Մակրոնը, գրում է RTVI-ը:
Միաժամանակ, իր խոսքով, Ֆրանսիայի իշխանություններն արդեն այլընտրանք են փնտրում ռուսական հումքին:
«Եթե մենք որոշում կայացնենք պատժամիջոցների մասին, կամ եթե Ռուսաստանը որոշի հակապատժամիջոցներ կիրառել ածխաջրածինների, և առավել եւս՝ գազի վերաբերյալ, ապա պարզ է, որ եվրոպացիները պետք է խնդրեն ընտանիքի բոլոր անդամներին (պատրաստվել)», - ասել է Մակրոնը։
Նա նաև նշել է, որ գազի պաշարները որոշ ժամանակ կբավականացնեն, եթե ռուսական էներգառեսուրսների նկատմամբ էմբարգոն սահմանվեր հենց հիմա։ Սակայն մինչև ձմեռ պաշարներ կարող են չմնալ, ասել է Ֆրանսիայի նախագահը։
