Անկարան չի միանա Ռուսաստանի դեմ պատժամիջոցներին, քանի դեռ հանդես է գալիս որպես միջնորդ. Չավուշօղլու
Անկարան չի միանա Ռուսաստանի Դաշնության դեմ պատժամիջոցներին, քանի դեռ միջնորդի դեր է կատարում Ռուսաստանի և Ուկրաինայի միջև։ Այս մասին հայտարարել է Թուրքիայի ԱԳՆ ղեկավար Մևլյութ Չավուշօղլուն՝ CNN Turk հեռուստաալիքին տված հարցազրույցում:
«Սխալ է ակնկալել, որ Թուրքիան պատժամիջոցներ կկիրառի Ռուսաստանի դեմ, երբ մենք միջնորդի դեր ենք խաղում: Արևմուտքը հասկանում է, թե ինչու մենք չենք մասնակցում Ռուսաստանի դեմ պատժամիջոցներին»,- ասել է նա:
Չավուշօղլուի խոսքով՝ Թուրքիան նաև համաձայն չէ ՆԱՏՕ-ի պայմանագրի 5-րդ հոդվածի մոդելով Ուկրաինային անվտանգության երաշխիքներ տրամադրելու այդ երկրի պահանջին։
