ՏԵՍԱՆՅՈՒԹ․ Մատվիենկոն սխալմամբ Փաշինյանին «պարոն նախագահ»-ով դիմեց
Հայաստանի և Ռուսաստանի միջև միջխորհրդարանական համագործակցությունը շատ հաջող է զարգանում: Այս մասին հայտարարեց ՌԴ Դաշնային խորհրդի խոսնակ Վալենտինա Մատվիենկոն ՀՀ վարչապետ Նիկոլ Փաշինյանի գլխավորած պատվիրակության հետ հանդիպման ժամանակ:
Քննարկվում է Մատվիենկոի ելույթի սկզմբնամասը, որտեղ նա Փաշինյանին սխալմամբ «պարոն նախագահ»-ով դիմեց։
Նա նշեց, որ Հայաստանի վարչապետի այս այցը նվիրված է երկրների միջև դիվանագիտական հարաբերությունների հաստատման 30-ամյակին: Փաշինյանը և Ռուսաստանի նախագահ Վլադիմիր Պուտինը դեռ նախօրեին լուրջ և բովանդակալից բանակցություններ են վարել, ստորագրել են փաստաթղթերի պատկառելի փաթեթ, որը վկայում է հարաբերություններն ընդլայնելու և խորացնելու երկրներ փոխադարձ ցանկության մասին:
«Մենք միջխորհրդարանական համագործակցությունը համարում ենք միջպետական հարաբերությունների կարևոր մաս: Այս համագործակցությունը հաջողությամբ է զարգանում. դուք հասկանում եք, թե որքան կարևոր է զարգացնել խորհրդարանական փոխգործակցությունը, որը նպաստում է երկկողմ պայմանավորվածությունների իրականացմանը»,- ասաց Մատվիենկոն։
