Ռուսաստանի դեմ բրիտանական նոր պատժամիջոցները կազդեն զինվորականների և գործարարների վրա. Bloomberg
Մեծ Բրիտանիան այս շաբաթ նոր հակառուսական պատժամիջոցներ կսահմանի, հայտնել է Bloomberg-ի աղբյուրը։ Սահմանափակումները կարող են կիրառվել պաշտպանական ընկերությունների, զինվորականների, գործարարների և նրանց գործընկերների նկատմամբ։ Բրիտանական իշխանությունները հրաժարվել են մեկնաբանել տեղեկությունը։
Kommersant-ի փոխանցմամբ՝ գործակալությունը նշել է, որ Լոնդոնը կարող է բարձրացնել նաև ռուսական որոշ ապրանքների մաքսատուրքերը։ Դիտարկվում են «ապատեղեկատվություն տարածող» անձանց և կառույցների նկատմամբ պատժամիջոցների կիրառումը։
Մեծ Բրիտանիան պատժամիջոցներ է սահմանում Ռուսաստանի դեմ՝ ի պատասխան Ուկրաինայում ռազմական գործողության, որն իրականացվում է փետրվարի 24-ից նախագահ Վլադիմիր Պուտինի հրամանով։ Պատժամիջոցների տակ են հայտնվել ավելի քան 1,3 հազար ֆիզիկական և իրավաբանական անձինք։
