Չինաստանը Բայդենի՝ Կիև այցելելուց հրաժարվելը մեկնաբանել է
Միացյալ Նահանգների նախագահ Ջո Բայդենի մերժումը Կիև այցելելու և ամերիկացի զինվորականներին Ուկրաինա ուղարկելու վերաբերյալ կարելի է համարել ԱՄՆ հնարավորությունների սահմանափակում։ Այս մասին երեքշաբթի՝ ապրիլի 19-ին, հայտնել է Global Times չինական թերթը։
«Այն փաստը, որ Բայդենը որոշել է զորքեր չուղարկել Ուկրաինա և հրաժարվել է Կիև այցելելու մտքից, շատ առումներով ցույց է տալիս ԱՄՆ-ի սահմանափակ կարողությունը՝ մասնակցելու հակամարտությանը։ Նման իրավիճակում Ուկրաինան կորցնում է իր հաղթաթուղթը»,- նշում է հոդվածագիրը։
Պարբերականը նաև նշել է, որ Վաշինգտոնի անվճռականությունը վկայում է նրա նպատակների եսասիրության մասին։
Բայդենի՝ Կիև հնարավոր այցի հետ կապված սերիալը ցույց է տալիս, որ «Ուկրաինային աջակցության» մասին ԱՄՆ հայտարարությունները ոչ այլ ինչ են, քան ուկրաինական կողմին ռազմական շահի համար օգտագործելու խաղ»,- ասվում է հոդվածում։
Ավելի վաղ՝ ապրիլի 17-ին, Ուկրաինայի նախագահ Վլադիմիր Զելենսկին հայտարարել էր, որ իր ամերիկացի գործընկերը պետք է գա Ուկրաինա։ Ապրիլի 15-ին Սպիտակ տան մամուլի քարտուղար Ջեն Փսակին բացատրել է, որ Բայդենի այցը Կիև նախատեսված չէ։ Նա նշել է, որ ԱՄՆ նախագահը պատրաստ է ամեն ինչի, այդ թվում՝ Ուկրաինա մեկնելուն, սակայն առայժմ այդ մասին խոսք չկա։ Մինչ այդ՝ ապրիլի 14-ին, ամերիկացի առաջնորդը հայտարարեց անձամբ Կիև մեկնելու պատրաստակամության մասին։
Նախօրեին Politico թերթը հայտնել էր, որ ԱՄՆ-ը քննարկում է իր վարչակազմի ներկայացուցչին Կիև ուղարկելու հնարավորությունը՝ հանդիպելու Զելենսկու հետ և աջակցություն ցուցաբերելու այս երկրին։
