Զախարովան նշել է, թե հիմնականում որ երկրներից են Ուկրաինա բերվել վարձկանները
ՆԱՏՕ-ի անդամ երկրներն ամեն ինչ անում են Ուկրաինայում հատուկ գործողության ակտիվ փուլը հետաձգելու համար՝ ավելացնելով ռազմական տեխնիկայի և սպառազինության մատակարարումը, չորեքշաբթի ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։
«Հակառակ հայտարարություններին, թե Ուկրաինայում ռազմական գործողությունները պետք է շուտափույթ ավարտվեն, ՆԱՏՕ-ի երկրներն ամեն ինչ անում են գործողության ակտիվ փուլը հետաձգելու համար։ Նկատի ունեմ, որ ավելացնում են ռազմական տեխնիկայի, զենքի, զինամթերքի մատակարարումը։ Կիևի ռեժիմը շարունակելու է ագրեսիան Դոնեցկի և Լուգանսկի դեմ և նոր նեոնացիստական ռազմական հանցագործությունները», - ասել է նա:
Զախարովան նշել է, որ ռուսական հատուկ ռազմական գործողության սկզբից ի վեր ուկրաինական իշխանությունները շուրջ 7000 օտարերկրյա վարձկանների են ներգրավել 63 երկրներից։
«Հատուկ ռազմական գործողության սկզբից ի վեր Կիևի ռեժիմը Ուկրաինա է ներգրավել, ըստ բաց տվյալների, մոտ 7000 օտարերկրյա վարձկանների՝ 63 պետություններից»։
Զախարովայի խոսքով՝ նրանցից ամենամեծը Լեհաստանի, ԱՄՆ-ի, Կանադայի, Ռումինիայի, Մեծ Բրիտանիայի և Վրաստանի քաղաքացիներ են։ «Ռազմական գործողությունների ընթացքում օտարերկրյա զինյալների թիվը նվազում է։ Ռուսական զինված ուժերն արդեն ոչնչացրել են մոտ հազար վարձկանների։ Եվս մոտ հազարը հրաժարվել են մասնակցել ռազմական գործողություններին և վերադարձել են իրենց նախկին ծայրահեղականների տեղակայման վայրերը», - հայտնել է նա։
