Միշուստինը հորդորել է Փաշինյանին ավելի ակտիվ օգտագործել ազգային արժույթները

Ռուսաստանի Դաշնության վարչապետ Միխայիլ Միշուստինը Հայաստանի իր գործընկեր Նիկոլ Փաշինյանի հետ հանդիպմանը նշել է, որ պատժամիջոցների համատեքստում կարևոր է առևտրում ազգային արժույթների ակտիվ օգտագործումը, արդյունաբերական համագործակցության ընդլայնումը և առևտրի համար նոր հնարավորություններ բացելը։

«Ռուսաստանի դեմ ոչ բարեկամ պետությունների կողմից անօրինական պատժամիջոցների համատեքստում, իհարկե, կարևոր է երկկողմ առևտրում ավելի ակտիվ օգտագործել ազգային արժույթները, զարգացնել արդյունաբերական համագործակցությունը և բացել նոր հնարավորություններ բոլոր ուղղություններով փոխադարձ առևտուրն ընդլայնելու համար»,- ասել է նա, փոխանցում է Ռիա Նովոստին։

Միշուստինը նշել է, որ Եվրասիական տնտեսական միության ձևաչափով ընդունված որոշումները, մասնավորապես՝ հումքի, սննդամթերքի, բաղադրիչների ներմուծման մաքսատուրքերը նվազեցնելու վերաբերյալ, կապահովեն միասնական շուկայի կայուն զարգացումը՝ ելնելով անդամի բիզնեսի և սպառողների շահերից։