Բանակցությունների արդյունքը կախված է Կիևի՝ մեր օրինական պահանջները հաշվի առնելու պատրաստակամությունից. Լավրովը՝ Չավուշօղլուին
Ռուսաստանի և Ուկրաինայի միջև բանակցային գործընթացի հաջողությունը կախված կլինի Մոսկվայի օրինական պահանջները հաշվի առնելու Կիևի պատրաստակամությունից։ Նման պայման է նշել ՌԴ ԱԳՆ ղեկավար Սերգեյ Լավրովը թուրք գործընկեր Մևլութ Չավուշօղլուի հետ զրույցում: Ինչպես գրում է Lenta. ru-ն, հեռախոսազրույցի մասին հաղորդագրություն է հրապարակվել գերատեսչության պաշտոնական կայքում։
«Ինչ վերաբերում է ռուս-ուկրաինական բանակցային գործընթացի հեռանկարներին, հաստատվեց ռուսական սկզբունքային դիրքորոշման անփոփոխելիությունը. բանակցությունների հաջող արդյունքն ամբողջությամբ կախված է Կիևի՝ մեր օրինական պահանջները հաշվի առնելու պատրաստակամությունից»,- ասվում է ուղերձում։
Ավելի վաղ Լավրովը հայտարարել էր Ուկրաինայում Ռուսաստանի հատուկ գործողության հաջորդ փուլի մեկնարկի մասին։ Նախարարության ղեկավարն ընդգծել է, որ հատուկ գործողությունն ուղղված է Դոնեցկի և Լուգանսկի Ժողովրդական հանրապետությունների (ԴԺՀ և ԼԺՀ) ամբողջական ազատագրմանը 2014 թվականի համաժողովրդական հանրաքվեի արդյունքում հռչակված սահմաններում։
