Պետդումայի պատգամավորն առաջարկել է ստուգել ուկրաինացի արտիստներին՝ նախքան նրանց ռուսական բեմ թողնելը
Պետդումայի մշակույթի կոմիտեի նախագահի առաջին տեղակալ, երգչուհի Ելենա Դրապեկոն առաջարկել է ստուգել ուկրաինացի արտիստներին՝ Ռուսաստանի Դաշնության ինքնիշխանությունը հարգելու հարցում, ինչից հետո միայն վերջիններիս թույլ տալ ներկայանալ ռուսական հանրության առջև: Այս մասին գրում է Газета-ն:
Պետդումայի պատգամավորը, մասնավորապես, առաջարկել է ստեղծել մի մարմին, որը կստուգի այն, թե արդյոք արվեստագետները հարգում են Ռուսաստանի Դաշնության ինքնիշխանությունը: Հետախուզական մարմինները ստիպված կլինեն ստուգել բոլոր հրապարակային հայտարարություններն ու գրառումները սոցիալական ցանցերում հնարավոր «սադրիչ բովանդակության» հայտնաբերման համար:
«Կան մարմիններ, որոնք պետք է ստուգեն և թույլ չտան այն մարդկանց մուտքը մեր տեղեկատվական տարածք, որոնք խաթարում են մեր ինքնիշխանությունը կամ նվաստացնում ռուս ժողովրդին», - ասել է պատգամավորը։
