Ռուսաստանը պատրաստ է աջակցել Հայաստանի և Ադրբեջանի միջև խաղաղության պայմանագրի կնքմանը. Զախարովա

Ռուսաստանը պատրաստ է աջակցել Հայաստանի և Ադրբեջանի միջև խաղաղության պայմանագրի կնքմանը. Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով երկու երկրների միջեւ խաղաղության համաձայնագրի նախապատրաստման մասին լրագրողների հարցին, գրում է m24. ru-ն:

«Ադրբեջանի և Հայաստանի միջև միջպետական ​​հարաբերությունների հաստատման համար Բաքվի կողմից առաջարկված հիմնարար սկզբունքները» և դրանց վերաբերյալ Երևանի արձագանքը պետք է հիմք հանդիսանան խաղաղության պայմանագրի շուրջ ադրբեջանա-հայկական բանակցությունների մեկնարկի համար: ... Ռուսաստանը վճռական է. նպաստել Երեւանի և Բաքվի միջև խաղաղության պայմանագրի կնքմանը», - նրա խոսքերը մեջբերված են ՌԴ ԱԳՆ կայքում։
 

Զախարովան հիշեցրել է, որ Ֆրանսիան և ԱՄՆ-ն հրաժարվել են Ռուսաստանի հետ շփումներից՝ ղարաբաղյան հակամարտության կարգավորման ուղիների որոնման շրջանակներում, և այս առումով նա ընդգծել է, որ իրավիճակը Հարավային Կովկասում թույլ չի տալիս դադարներ բանակցություններում։

Նրա խոսքով, լուծումների որոնումը չդադարեցնելու համար, ԵԱՀԿ Մինսկի խմբի ռուսաստանցի համանախագահ Իգոր Խովաևը կշարունակի աշխատել որպես ՌԴ ԱԳ նախարարի հատուկ ներկայացուցիչ՝ Հայաստանի և Ադրբեջանի միջև հարաբերությունների կարգավորմանը նպաստելու հարցով: Մասնավորապես, նա կհետևի վերը նշված պայմանագրի նախապատրաստման ընթացքին։