ՌԴ-ն կկարողանա կարգավորել փոխարժեքը հօգուտ իրեն. Եվրահանձնաժողովը՝ գազը ռուբլով վճարելու մասին

Եվրահանձնաժողովը (ԵՀ) հայտնել է, որ ոչ բարեկամ երկրներին գազի մատակարարումների համար ռուբլով վճարելու մասին ՌԴ նախագահի հրամանագիրը խախտում է ԵՄ պատժամիջոցները։ Այս մասին հայտնում է Bloomberg-ը՝ վկայակոչելով աղբյուրին, գրում է RT-ն:

Նյութում նշվում է, որ ապրիլին ԵՀ-ն ԵՄ երկրներին տրամադրել է ՌԴ նախագահ Վլադիմիր Պուտինի հրամանագրի նախնական իրավական վերլուծություն։
 

«Պուտինի հրամանագիրը էապես փոխում է ընթացակարգը և ստեղծում նոր իրավական իրավիճակ»,- ասել է գործակալության աղբյուրը։
 

ԵՀ-ն ենթադրում է, որ Ռուսաստանը կկարողանա վերահսկել գործարքները և կարգավորել փոխարժեքը հօգուտ իրեն։
 

«Այս մեխանիզմը կխախտի այն սահմանափակող միջոցները, որոնք Եվրամիությունը ձեռնարկել է... Ռուսաստանի կառավարության, Կենտրոնական բանկի դեմ», - հավելել է աղբյուրը։
 

Հիշեցնենք, որ մարտի 31-ին Պուտինը հրամանագիր էր ստորագրել ոչ բարեկամ երկրների հետ գազի առևտրի մասին։