ՏԵՍԱՆՅՈՒԹ․ Բազմամարդ ցույցեր՝ Պակիստանում․ իրավիճակը լարված է

Պակիստանում Իսլամաբադի և Կարաչիի բնակիչները դուրս են եկել փողոցներ՝ ընդդեմ կառավարության, որը պաշտոնանկ է արել վարչապետ Իմրան Խանին։ Քաղաքական գործիչը (ով չի ընդունել իր հրաժարականը) թվիթերում գրել է. «Մեր պատմության մեջ երբեք այդքան թվով մարդ փողոց դուրս չի եկել՝ մերժելով կառավարությանը՝ խարդախների գլխավորությամբ»։

Նշենք, որ ըստ միջազգային լրատվականների՝ ընդդիմությունը Խանի կառավարությանը մեղադրում է անվերահսկելի գնաճի մեջ, մինչդեռ Խանն ընդդիմության առաջնորդներին մեղադրում է իրեն պաշտոնանկ անելու, իր դեմ գործողություններ ձեռնարկելու համար ԱՄՆ-ից ֆինանսավորում ստանալու մեջ։

Հիշեցնենք Պակիստանի խորհրդարանն անվստահության քվե էր հայտնել երկրի վարչապետ Իմրան Խանին և հեռացրել զբաղեցրած պաշտոնից։ Շուտով Պակիստանի կառավարությունը կունենա նոր ղեկավար, որը, լրագրողների կարծիքով, կարող է դառնալ ընդդիմադիր Պակիստանի մուսուլմանական լիգա կուսակցության առաջնորդ Շահբազ Շարիֆը։