Շվեդիան և Ֆինլանդիան կարող են անդամակցել ՆԱՏՕ-ին արդեն այս ամառ
Շվեդիան և Ֆինլանդիան կարող են անդամակցել ՆԱՏՕ-ին արդեն այս ամառ: Այս մասին երկուշաբթի հայտնել է The Times-ը՝ հղում անելով իր աղբյուրներին։
Սպասվում է, որ հունիսին Հյուսիսատլանտյան դաշինքին միանալու հայտ կներկայացնի Ֆինլանդիան, որին կհաջորդի Շվեդիան, նշում է պարբերականը։
Աղբյուրների համաձայն՝ Շվեդիայի և Ֆինլանդիայի իշխանությունները միասին աշխատում են ՆԱՏՕ-ին անդամակցելու հարցում իրենց երկրների ներսում կոնսենսուսի հասնելու համար, սակայն յուրաքանչյուր պետություն վերջնական որոշում կկայացնի ինքնուրույն։
