Իրանցի խորհրդարանականները նամակ են հղել նախագահ Իբրահիմ Ռաիսիին՝ նշելով 2015 թվականի միջուկային գործարքի վերսկսման պայմանները: Այս մասին գրում է ՌԲԿ գործակալությունը՝ հղում անելով իրանական Թանսիմ-ին: Նամակը ստորագրել են ավելի քան 250 պատգամավորներ։ 

Վերոնշյալ պայմանները ներառում են Իրանի դեմ նոր պատժամիջոցներ կիրառելուց ԱՄՆ-ի հրաժարումը, ինչպես նաև ԱՄՆ Կոնգրեսի կողմից հաստատված իրավական երաշխիքները, որ Վաշինգտոնը դուրս չի գա համաձայնագրերից։ 

Բացի այդ, Թեհրանը պնդում է իրանական նավթի արտահանման սահմանափակումների չեղարկումը։ 

Միջուկային գործարքի վերսկսման մեկ այլ պայման ավելի վաղ հայտարարել էր Իրանի արտաքին գործերի նախարար Հոսեյն Ամիր Աբդոլլահյանը: Դա Իսլամական հեղափոխության պահապանների կորպուսի դեմ պատժամիջոցների վերացումն է, որին ԱՄՆ-ն օտարերկրյա ահաբեկչական կազմակերպություն է համարում։ 

Ռաիսին շաբաթ օրը հայտարարել է, որ Իրանը չի հրաժարվի միջուկային ծրագրից՝ ընդգծելով դրա խաղաղ բնույթը։