Անկարան կոչ է անում անհապաղ դադարեցնել ռազմական գործողությունները Ուկրաինայում. Թուրքիայի ԱԳՆ
Անկարան կոչ է անում անհապաղ դադարեցնել ռազմական գործողությունները Ուկրաինայում։ Նման հայտարարություն է տարածել Թուրքիայի արտաքին գործերի նախարարույթունը:
«Կրամատորսկում տեղի ունեցած ողբերգական իրադարձությունը ևս մեկ անգամ ցույց տվեց հումանիտար միջանցքների ստեղծման կարևորությունն ու հրատապությունը՝ խաղաղ բնակչության անվտանգ տարհանումն ապահովելու համար»,- նշվում է հայտարարության մեջ:
Հիշեցնենք, որ այսօր Ուկրաինայի Կրամատորսկ քաղաքում գնդակոծվել է կայարանը։ BBC-ի ռուսական ծառայության հաղորդագրության համաձայն՝ տեղի իշխանությունները հայտնել են մոտ 30 զոհի մասին:
