ՌԴ-ն պատժամիջոցներ է սահմանել 228 անձի նկատմամբ, այդ թվում՝ Ավստրալիայի և Նոր Զելանդիայի վարչապետների

Ավստրալիայի և Նոր Զելանդիայի վարչապետներ Սքոթ Մորիսոնը և Ջասինդա Արդերնն ընդգրկվել են ՌԴ-ի պատժամիջոցների ցուցակում: 

Ինչպես հայտնում է Ռուսաստանի ԱԳՆ-ն, ս. թ. ապրիլի 7-ից Ռուսաստան մուտքը փակող անձանց «ստոպ – ցուցակում» ընդգրկվում են Ավստրալիայի ազգային անվտանգության կոմիտեի, ներկայացուցիչների պալատի, Սենատի ու տարածաշրջանային օրենսդրական հավաքների անդամները:

Նշվում է, որ այս միջոցները ձեռնարկվել են ի պատասխան Ռուսաստանի դեմ սահմանված պատժամիջոցների, քանի որ «հլու-հնազանդ հետևելով «հավաքական Արևմուտքի» կուրսին՝ Կանբերան ռուսատյաց մոլեռանդության մեջ սահմանել է պատժամիջոցներ, որոնք անդրադարձել են ՌԴ բարձրագույն ղեկավարների և գրեթե ողջ պատգամավորական կորպուսի վրա»:

«Ստոպ-ցուցակում» ընդգրկված են ընդհանուր առմամբ 228 անձ: Մոտ ժամանակներս նոր հայտարարություններ կլինեն պատժամիջոցների «սև ցուցակի» ընդլայնման մասին։ Ռուսաստանի ԱԳՆ-ն նախազգուշացրել է, որ դրանում կընդգրկվեն ավստրալացի զինվորականներ, գործարարներ, փորձագետներ ու լրատվամիջոցների ներկայացուցիչներ, որոնք «նպաստում են մեր երկրի նկատմամբ բացասական վերաբերմունքի բորբոքմանը»,- նշվում է հաղորդագրության մեջ։