«Մենք մեծ հարգանք ունենք իսլամական կրոնի նկատմամբ, բայց այն, ինչ անում է Ադրբեջանը, բռնություն է». Փաշինյան

Ադրբեջանի զինված ուժերը շարունակում են ԼՂ մի շարք գյուղերի բնակչությանն ահաբեկող հայտարարություններ անել: Այս մասին Կառավարության նիստին հայտարարել է վարչապետ Նիկոլ Փաշինյանը:

Նա, մասնավորապես, նշեց, որ ադրբեջանցիները բարձրախոսներով մարդկանցից պահանջում են լքել իրենց տները, հակառակ դեպքում՝ սպառնալով ուժի գործադրմամբ նրանց հեռացնել այնտեղից, ըստ նրա՝ սա էթնիկ զտման ակնհայտ պահանջ է.

«Գիշերային ժամերին ադրբեջանցիները բարձրախոսներով մուսուլմանական նամազ են միացնում: Մենք մեծ հարգանք ունենք իսլամական կրոնի նկատմամբ, բայց այն ինչ անում է Ադրբեջանը, մարդկանց խղճի և կրոնի ազատության նկատմամբ բռնություն է, կրոնական ատելություն հրահրելու միջոց և ի վերջո վիրավորում է մեր հայրենակիցների կրոնական զգացումները»,-ասաց նա՝ հայտարարելով, որ Ադրբեջանը Արցախը հայկական ամեն բանից զրկելու քաղաքականություն է վարում: