Պուտինին զեկուցել են բանակցությունների արդյունքների մասին. Պեսկով

Ռուսական կողմը ոչ մեկի հետ չի քննարկելու Ղրիմը․ այն Ռուսաստանի մի մասն է: Այդ հարցը չեն քննարկելու նաև Ուկրաինայի հետ բանակցություններում, հայտարարել է Ռուսաստանի նախագահի մամուլի քարտուղար Դմիտրի Պեսկովը:

Նա նաև հավելել է, որ Կրեմլում համարում են, որ դոլարի հեղինակությունը բավական խարխլվել է, և միակ այլընտրանքը ազգային արժույթի օգտագործման ընդլայնումն է: Ռուսաստանի կառավարությունն աշխատում է այդ ուղղությամբ: Ինչ վերաբերում է Ռուսաստանի հետ բարեկամական երկրների հետ հաշվարկների համար նոր վճարային միավորի ստեղծման հնարավորության մասին դատողություններին, դրանք լրատվամիջոցների ենթադրություններն են։ 

Նա հայտնել է նաև, որ ՌԴ-ի կողմից Ուկրաինայի հետ բանակցող Մեդինսկին Պուտինին զեկուցել է Ստամբուլում բանակցությունների արդյունքների մասին և չորեքշաբթի լրացուցիչ պարզաբանումներ կտա լրատվամիջոցներին: Դեռ չի կարելի խոսել ինչ-որ խոստումնալից բանի մասին․ երկար աշխատանք է սպասվում: Կրեմլում դրական են համարում, որ ուկրաինական կողմը սկսել է կոնկրետ ձևակերպել իր առաջարկները: 

Անդրադառնալով ռուսական գազի դիմաց վճարելիս ռուբլիի անցնելու մասին Պեսկովն ասել է, որ դա  երկար գործընթաց է: