Կասկադյորական ավտովթար՝ Երևանում. մեքենան մխրճվել է սննդի կետի մեջ

 Այսօր՝ հունվարի 21-ին, կասկադյորական ավտովթար է տեղի ունեցել Երևանում։ Ժամը 05։00-ի սահմաններում Երևանի բնակիչ՝ 34-ամյա Դավիթ Աբելյանը Սարյան փողոցում իր վարած Opel Astra մակնիշի ավտոմեքենայով դուրս է եկել ճանապարհի երթևեկելի գոտուց և մխրճվել «Երևանյան խոհանոց»-ի տարածք։ Ինչպես հայտնում է shamshyan.com-ը, ըստ նախնական տեղեկությունների՝ բարեբախտաբար, տուժածներ չկան։

Տեղում տարածքը սահմանազատել են պարեկները, որպեսզի հետաքրքրասեր քաղաքացիները չանցնեն տարածք, քանի որ ավերածության արդյունքում բարձր լարման էլեկտրական լարերը պոկվել էին, ու եթե պարեկները տեղում ծառայություն չիրականացնեին, ապա քաղաքացիները կանցնեին այդ հատվածով, և չէր բացառվի, որ կլիներ հոսանքահարման դեպք։  Փաստի առթիվ պարեկային ծառայությունում նյութեր են նախապատրաստվում։