Ովքե՞ր են Քանաքեռում սպանվածները և ի՞նչ վիճակում են վիրավորները. Shamshyan.am
Shamshyan.am-ը իր նախնական հրապարակման մեջ որպես հավելում նշել է, «աջ սրունքի դրսային մակերեսի հրազենային վնասվածք» ախտորոշմամբ թիվ 1 համալսարանական հիվանդանոց է ընդունվել Քանաքեռի բնակիչ, 19-ամյա Գևորգ Ջաբոյանը: Միքայելյան վիրաբուժության ինստիտուտ է տեղափոխվել Քանաքեռ 16 փողոցի 16 տան բնակիչ, 61-ամյա Արտուշ Սիմոնյանը՝ «հեմոռագիկ շոկ, հրազենային վնասվածք» ախտորոշմամբ:
Նույն հիվանդոնոց է տեղափոխվել Քանաքեռ 16 փողոցի 16 տան բնակիչ, 27-ամյա Հովհաննես Սիմոնյանը՝ «աջ ոտնաթաթի հրազենային վնասվածք» ախտորոշմամբ: Նույն հիվանդանոց է տեղափոխվել Քանաքեռ 16 փողոցի 16 տան բնակիչ, 37-ամյա Վլադիմիր Սիմոնյանը՝ «կրծքավանդակի որովայնի շրջանի հրազենային վնասվածք» ախտորոշմամբ: «Հրազենային վնասվածք» ախտորոշմամբ նույն հիվանդանոց է տեղափոխվել Զ. Սարկավագի փողոցի բնակիչ, 38-ամյա Արթուր Բորյանը: Նույն հիվանդանոց է տեղափոխվել «ձախ նախաբազկի միջանցիկ հրազենային վիրավորում վնասվածք» ախտրոոշմամբ Արթուր Պետրոսյանը:
Պարզվել է՝ տեղում մահացել են Զ. Սարկավագի փողոցի բնակիչ, 43-ամյա Արթուր Ղազարյանը, ով քրեական աշխարհում հայտնի, մեծ հեղինակություն ունեցող «Քանաքեռցի Տույն» էր և Քանաքեռի բնակիչ, 37-այմա Արայիկ Խաչատրյանը: Հիվանդանոցում Ա. Բորյանն ու Ա. Սիմոնյանը, գիտակցության չգալով, մահացել են: Ինչպես տեղեկացանք Հայաստանի քննչական կոմիտեի մամուլի քարտուղար Վարդան Թադևոսյանից, փաստի առթիվ հարուցվել է քրեական գործ՝ ՀՀ քր օր-ի 104 հոդվածի 2-րդ մասի 1-ին և 6-րդ կետերի և 235 հոդվածի 1-ին մասի հատկանիշներով: