Ադրբեջանցին մոտեցել է, խոսել աշխատողների հետ, հանել ատրճանակն ու սկսել կրակել. նա հասրակ զինվորական չի եղել. Инфотека 24

Инфотека 24-ը գրում է, որ իրենց հայտնի են դարձել Շուշիի մերձակայքում խաղաղ բնակիչների վրա դաժան  հարձակման վերաբերյալ բացառիկ մանրամասներ:

Աշխատանքային թիմը գտնվել է Շուշիի երկու մուտքերի միջև ինչ-որ տեղ մեջտեղում։ Աշխատանքի ընթացքում նրանց է մոտեցել մի բարձրահասակ տղամարդ, ով եղել է ոչ թե սովորական ադրբեջանական ԶՈՒ-ի, այլ այլ զինվորական համազգեստով է եղել, կանգնել է նրանց առջև և սկսել «բզզալ»՝ չխոսելով ոչ ռուսերեն, ոչ ադրբեջաներեն։

Աշխատողները փորձել են բացատրել նրան, որ փորում են ջրի խողովակների համար անհրաժեշտ ակոսներ, սակայն մարդասպանը պարզապես շարունակել է ագրեսիվ ձայներ հանել, իջեցրել է ավտոմատը, հանել ատրճանակը և սկսել կրակել։ Մեկ մարդ տեղում սպանվել է, մյուսները` փորձել են թաքնվել: Մարդասպանը թիկունքից կրակ է բացել նրանց վրա։ Էքսկավատորի վարորդը  վիրավորվել է կրծքավանդակի հատվածում, սակայն քանի որ այդ պահին նա իջնելիս է եղել մեքենայից, մարդասպանը, ըստ ամենային, չի կարողացել դիպուկ կրակել և տղամարդու վիրավորումը մահացու չի եղել։

Լրատվականը գրում է, որ ատրճանակով սովորաբար զինվում են կա՛մ անվտանգության ծառայության աշխատակիցները, կա՛մ սպաները: Նշված համազգեստի նկարագրության ձևը հուշում է, որ մարդասպանը եղել է Ալիևի անվտանգության ծառայության աշխատակից, ինչը նշանակում է, որ նա ուղղակի հրահանգ է կատարել։