Մենք շատ լավ գիտենք, թե ովքեր են տարածում այդ լուրերը. Արման Աբովյան

ՏԻՄ ընտրություններին ընդառաջ՝ արդեն մի քանի  քանի օր է՝ մամուլում շրջանառվում է տարբեր կուսակցությունների թեկնածուները բանակցություններ են վարում այլ քաղաքական ուժերի հետ՝ ընտրություններին մասնակցելու համար։ Ճամբարափոխների մեծ արտահոսք է գրանցվել հատկապես ՀՀԿ-ի շարքերից.  «Քաղաքացիական պայմանագիր» կուսակցությունն այսօր հրապարակել է դեկտեմբերի 5-ին Շիրակի, Արմավիրի, Արարատի, Տավուշի, Լոռու, Վայոց ձորի և Արագածոտնի մարզերում կայանալիք ՏԻՄ ընտրություններում կուսակցության համամասնական ցուցակները գլխավորող անձանց անունները, որոնցում նկատում ենք ՀՀԿ-ական կարկառուն նախկին դեմքերին։

ArmDaily.am-ի տեղեկություններով՝ արշալույսները խաղաղ չեն նաև ԲՀԿ-ի թիմում։ Կուսակցությունից քաղաքապետերի թեկնածուներ կան, որոնք չեն ցանկանում առաջադրվել «Բարգավաճ»-ի ցուցակով, դաշինքներ են ցանկանում ստեղծել այլ ուժերի հետ, սակայն կուսակցությունը դա թույլ չի տալիս։ Եվ այսպես ներթիմային անհամաձայնություններ և լարված մթնոլորտ է ԲՀԿ-ում։

Լրատվականի  հետ զրույցում այս լուրերը ԲՀԿ անդամ Արման Աբովյանը հերքեց այդ լուրերը՝ դրանք սին և մտացածին որակելով։

«Մենք շատ լավ գիտենք, թե ովքեր են տարածում այդ լուրերը։ Խորհուրդ եմ տալիս նրանց սառը ջուր խմել»,- ասաց Աբովյանը։

Ինչ վերաբերում է ընտրություններին պատրաստվելուն՝ ԲՀԿ անդամը նշեց, որ ամեն ինչ նորմալ հունով ընթանում է և ոչ մի խնդիր չկա