Միջանցքային տրամաբանությունը և հռետորաբանությունն ավելի է խորացնում թշնամական մթնոլորտը. Փաշինյան
Միջանցքային տրամաբանությունը և հռետորաբանությունն ավելի է խորացնում թշնամական մթնոլորտը տարածաշրջանում: Այս մասին խորհրդարանում ասաց վարչապետ Նիկոլ Փաշինյանը:
Նա ևս մեկ անգամ վերահաստատեց՝որ Հայաստանը կողմ է տարածաշրջանում հաղորդակցության միջոցների բացմանը.
«Նոյեմբերի 9-ին նստակ արձանագրել ենք, որ տարածաշրջանային բոլոր կոմունիկացիաները պետք է բացվեն, Հայաստանը պաշտպանում է այդ տեսակետը:
Սա նշանակում է, որ օրինակ երկաթուղիները, որոնք ժամանակին գոյություն են ունեցել, որոշակի հերթականությամբ պետք է բացվեն և մատչելի դառնան տարածաշրջանային երկրների համար: Ավտոճանապարհները, որոնք ժամանակին գոյություն են ունեցել, ինչ-որ հերթականությամբ պետք է բացվեն և մատչելի դառնան տարածաշրջանի երկրների համար»,-ասաց Փաշինյանը և հավելեց, որ կոմունիկացիաների ապաշրջափակումը անվտանգության կարևոր կոմպոնենտը, քանի որ, ըստ նրա, երբ տնտեսական կապերը սկսում են աշխատել, դա որոշակի երաշխիք է ստեղծում անվտանգության և խաղաղության համար.
«Հայաստանը և Ադրբեջանը փոխադարձ միմյանց կոմունիկացիոն ուղիներ օգտագործելու հնարավորություն պետք է ունենան՝ բեռանփոխադրումներ նաև ուղևորափոխադրումներ իրականացնելու համար՝ թե ի՞նչ փուլերով սա կունենա, դա այլ խնդիրն է»,-ասաց Փաշինյանը:
