Պուտինի հետ հանդիպումն աննախադե՞պ է անցել. Մկրտչյանի հարցին Կառավարությունից որևէ մեկը չպատասխանեց

Մոսկվայում ամեն ինչ այնքան վատ է անցել, որ դրա մասին խոսելու ոչինչ չկա։ ԱԺ-ում այս մասին ասաց «Պատիվ ունեմ» խմբակցության պատգամավոր Աննա Մկրտչյանը՝ անդրադառնալով ՀՀ վարչապետի և ՌԴ նախագահի վերջին հանդիպմանը։

«ՀՀ վարչապետ ոչ վաղ անցյալում օտարերկրյա գործընկերների հետ ցանկացած հանդիպում որակում էր որպես աննախադեպ հանդիպում։ Վերջերս հանդիպում տեղի ունեցավ ՌԴ նախագահ Վլադիմիր Պուտինի հետ, բայց այդ հանդիպումից հետո նա իր սովորության համաձայն ո՛չ գրառում արեց, ո՛չ էլ ուղիղ եթեր կազմակերպեց։ Արդյո՞ք ամեն ինչ այնքան վատ է անցել, որ դրա մասին խոսելու ոչինչ չկա»,-ասաց Աննա Մկրտչյանը՝ դիմելով ՀՀ վարչապետ Նիկոլ Փաշինյանին։

Ընդդիմադիր պատգամավորը նաև նշեց, որ ԱԺ ամբիոնին չմոտենալն ավելի խոսուն և փայլուն պատասխան կլինի։
ԱԺ նախագահ Ալեն Սիմոնյանը պատգամավորից հետաքրքրվեց, թե հարցն ում է ուղղված, իսկ Աննա Մկրտչյանը նկատեց՝ ով մասնակցել է այդ հանդիպմանը։

Պատգամավորի հարցն անպատասխան մնաց։