Մերձմոսկվայում մի տղամարդ փորձել է փողոցում խեղդել 9-ամյա աշակերտուհուն
Մերձմոսկովյան Սոլնեչնոգորսկում մի տղամարդ փորձել է փողոցում խեղդել 9-ամյա աշակերտուհուն: Հարձակման պահը արձանագրել է տեսախցիկը, տեղեկացնում է ՌԻԱ Նովոստին։
Հրապարակած կադրերում երևում է, թե ինչպես է հարձակվողը մոտենում աղջկան ու հանկարծակի բռնում նրա պարանոցից ու մի կողմ տանում: Երեխան հետագայում պատմել է իրավապահներին, որ տղամարդը հարցրել է իրեն, թե արդյոք նա ցանկանում է ապրել: Աղջիկը գոռացել է, նրանց նկատել է հարևանը, որից հետո տղամարդը վախեցել է ու դիմել փախուստի։ Տեղեկություն կա, որ տղամարդը գողացել է նաեւ երեխայի հեռախոսը:
Ինչպես հաղորդել է 360-րդ հեռուստաալիքը՝ հանցագործը ձերբակալվել է, հարուցվել է քրեական գործ։
