Գերմանիայի հետ խաղից առաջ Կապառոսի հետ մամուլի ասուլիսին կմասնակցի Սարգիս Ադամյանը

Սեպտեմբերի 5-ին Հայաստանի ազգային հավաքականն Աշխարհի 2022 թ. առաջնության ընտրական փուլի J խմբի 5-րդ տուրում  Շտուտգարտում կմրցի Գերմանիայի ընտրանու հետ:

Խոակին Կապառոսի հետ նախախաղային մամուլի ասուլիսին կներկայանա Հայաստանի ազգային հավաքականի հարձակվող Սարգիս Ադամյանը: Այս մասին հայտնում է ՀՖՖ մամուլի քարտուղարությունը։

Ասուլիսը կկայանա սեպտեմբերի 4-ին և կսկսվի Հայաստանի ժամանակով  20:30-ին ու կհեռարձակվի ՀՖՖ ֆեյսբուքյան, ինստագրամյան պաշտոնական էջերում և Youtube-ի ալիքով: