Թալիբները չեն վերահսկում իրադրությունը Քաբուլի օդանավակայանում․ ինչ է փոխվել երեկվա բախումներից հետո
«Թալիբան» շարժումը չի վերահսկում իրավիճակը Քաբուլի միջազգային օդանավակայանում, ՌԻԱ Նովոստիին հայտարարել է շարժման պաշտոնական ներկայացուցիչ Զաբիուլա Մուջահիդը:
Ավելի վաղ հայտնի էր դարձել Քաբուլի օդանավակայանում երկու պայթյունների մասին, ավելի ուշ ՌԻԱ Նովոստիի թղթակիցը հայտնել էր, որ օդանավակայանի շրջանում երրորդ պայթյունն է որոտացել: ԶԼՄ-ների տվյալներով ՝ առաջին երկու պայթյունների հետեւանքով զոհվել է 60 մարդ, ավելի քան 150-ը՝ տուժել են:
«Ցավոք, Քաբուլի օդանավակայանը դուրս է «Թալիբանի» վերահսկողությունից», - ասել է Մուջահիդը՝ պատասխանելով այն հարցին, թե ինչ միջոցներ է ձեռնարկում մայրաքաղաքի օդանավակայանի շրջանում անվտանգության ապահովման համար:
