Տոկիոյում ընթացող 32-րդ ամառային Օլիմպիական խաղերի բռնցքամարտի մրցաշարում Հայաստանի ներկայացուցիչ Արման Դարչինյանը (75 կգ) քառորդ եզրափակչում ժամանակից շուտ պարտվեց ֆիլիպինցի Էումիր Մարցիալին եւ դուրս մնաց հետագա պայքարից: 

Հիշեցնենք, որ հաղթանակի դեպքում Դարչինյանը կնվաճեր օլիմպական մեդալ: 

Հայաստանի հավաքականի բռնցքամարտիկ Արման Դարչինյանը  Տոկիոյի Օլիմպիական խաղերում իր մեկնարկը սկսել էր հաղթանակով։ 1/8 եզրափակիչում Դարչինյանի մրցակիցը սլովակ Անդրեյ Շեմեզն էր, ում նկատմամբ մեր մարզիկը  վստահ հաղթանակ էր տարել՝ 5-0 հաշվով հաղթանակ։ 


-- 
 

Տոկիոյում ընթացող 32-րդ ամառային Օլիմպիական խաղերի ըմբշամարտի մրցաշարում Հայաստանը ներկայացնող հունահռոմեական ոճի ըմբիշ Արմեն Մելիքյանը հաղթանակով սկսեց պայքարը, սակայն պարտվեց քառորդ եզրափակչում: 

Մեկնարկային գոտեմարտում Մելիքյանը 5:5 հաշվով հաղթանակի հասավ Իրանի ներկայացուցիչ Ալի Ռեզա Նեջաթիի նկատմամբ: 

Քառորդ եզրափակչում հայ ըմբիշը  4:8 հաշվով պարտվեց ուկրաինացի Լենուր Տիմուրովին: Վերջինիս եզրափակիչ հասնելու դեպքում Մելիքյանը հնարավորություն կունենա շարունակել պայքարը: