Ադրբեջանում պատգամավորը ռեստորանում ծեծի է ենթարկել ոստիկանի

Ադրբեջանի Խաչմազ քաղաքում գտնվող իր բարեկամին պատկանող «Հին բակ» ռեստորանում պատգամավորը դեբոշ է սարքել ու ծեծել ոստիկանի: Այս մասին հայտնում է Sputnik Ադրբեջանը:

Վիճաբանությունը սկսվել է այն բանից հետո, երբ իրավապահ մարմինների աշխատակիցները պահանջել են փակել հաստատությունը, քանի որ արդեն կեսգիշերին անց է եղել, իսկ հակահամաճարակային միջոցառումների շրջանակում հանրային սննդի վայրերն այդ երկրում աշխատում են մինչև կեսգիշեր։

Նշվում է, որ Ադրբեջանի խորհրդարանը օգոստոսի 3-ին արտահերթ նիստ կգումարի պատգամավոր Էլդանիզ Սալիմովի կողմից ռեստորանում սարքած դեբոշի պատճառով: Սալիմովի նկատմամբ արդեն քրեական գործ է հարուցվել «Պաշտոնեական լիազորությունների չարաշահում» հոդվածով: