Թբիլիսիում իրավիճակը սրվել է. ոստիկանությունը ձերբակալում է բողոքի ակցիայի մասնակիցներին
Վրաստանի խորհրդարանի շենքի դիմաց հանրահավաք է սկսվել Պիրվելի հեռուստաընկերության օպերատոր Լեքսո Լաշքարավայի մահվան կապակցությամբ։ «Մարդասպան կառավարությունը պետք է հրաժարական տա», ասում են բողոքի ակցիայի մասնակիցները: Բախումներ են ոստիկանության հետ: Իրավապահները ձերբակալություններ են իրականացնում:
Հանրահավաքի կազմակերպիչների խոսքով ՝ իրենց պահանջներն են ՝ Իրակլի Ղարիբաշվիլիի կառավարության անհապաղ հրաժարական, դեպքի քննություն` անկախ փորձագետների կողմից, Լեքսո Լաշքարավայի վրա հարձակման բոլոր մեղավորներին ձերբակալել և պատժել, ինչպես նաև բռնության ցույցի կազմակերպիչներին պատասխանատվության ենթարկել։
Հիշեցնենք` օպերատոր Լեքսո Լաշքարավային գտել են իր տանը` մահացած: Դեպքի առթիվ հետաքննություն է սկսվել Վրաստանի քրեական օրենսգրքի 115-րդ հոդվածի հատկանիշներով:
Լաշկարավան ծեծի ենթարկվելուց հետո մի քանի օր բուժում է ստացել հիվանդանոցում, որից հետո դուրս էր գրվել:
Թբիլիսիում հուլիսի 5-ին նախատեսվում էր ԼԳԲՏ համայնքի ներկայացուցիչների երթ անցկացնել, սակայն ավանդական արժեքների պաշտպաները քաղաքացիները հանրահավաք են կազմակերպել քաղաքի կենտրոնում՝ թույլ չտալով երթի անցկացումը: Հանրահավաքի լուսաբանման ժամանակ ԶԼՄ-ների 50 ներկայացուցիչ է տուժել:
