Լևոն Արոնյանն աշխարհի Գավաթում կներկայացնի Հայաստանը
Հայ գրոսմայստեր Լևոն Արոնյանը կմասնակցի ՖԻԴԵ-ի աշխարհի Գավաթի խաղարկությանը, որում կներկայացնի Հայաստանը։ Այս մասին հայտնում է ArmSport.am-ը։
Բացի Արոնյանից, Հայաստանը ևս 4 մասնակից կունենա աշխարհի Գավաթում՝ Հայկ Մ. Մարտիրոսյանը, Շանթ Սարգսյանը, Հովհաննես Գաբուզյանը և Գաբրիել Սարգսյանը։
Մրցաշարը կկայանա Սոչիում հուլիսի 10–ից օգոստոսի 8–ը։ Մրցանակային ֆոնդը 1,892,500 ԱՄՆ դոլար է։
Աշխարհի Գավաթի խաղարկության եզրափակիչ հասած շախմատիստները կնվաճեն աշխարհի չեմպիոնի հավակնորդների մրցաշարի ուղեգիր։
