Հայաստանի ֆուտբոլի ֆեդերացիայում այսօր կայացավ ֆեդերացիայի 21-րդ հերթական ժողովը։ Օրակարգի գլխավոր հարցերից մեկը վերաբերում էր ֆուտբոլային մի քանի ակումբների անդամության կասեցմանը։

Ժողովի որոշմամբ «Արագած», «Տորպեդո», «Լոկոմոտիվ», «Դիլիջան», «Սևան», «Դովեղ» ֆուտբոլային ակումբների և «Էրեբունի-Դիլիջան» մարզական ակումբի անդամության կասեցումը ֆեդերացիային կրկին երկարաձգվեց։

Ինչպես նշեց ֆեդերացիայի գլխավոր քարտուղար Արթուր Ազարյանը, ակումբների անդամության կասեցումը չի արգելում դրանց մասնակցությունը ֆեդերացիայի կողմից անցկացվող մրցումներին։ Օրինակ՝ «Սևան» ՖԱ-ն եկող մրցաշրջանում մասնակցելու է Պրեմիեր լիգայի առաջնությանը։