Չինաստանում վաճառքի են հանվել արհեստական մկաններ, որոնք մի քանի վայրկյանում կարող են տղամարդուն գայթակղիչ մարմին պարգևել

Չինաստանում վաճառքի է հանվել նոր արտասովոր իր, որը մեծ տարածում է գտել համացանցում: Տեղական Smitizen ընկերության արտադրանքը, որը հայտնի է «կենդանի մկան» անունով, նախատեսված է այն մարդկանց համար, որոնք ցանկանում են գայթակղիչ մարմին ձեռք բերել՝ առանց բազմոցից վեր կենալու, գրում է odditycentral.com-ը: 

Վերնազգեստը, որն առաջին հայացքից տղամարդու իրական զարգացած մկանային համակարգ է հիշեցնում, պարտաստված է սիլիկոնից: Դրա վրա նույնիսկ տեսանելի են դուրս ցցված երակներ, որոնց անատոմիական կառուցվածքը բավականին ճշգրիտ է: 

Ներկայում չինական արտադրողը գնորդներին է առաջարկում նորարության մի քանի տարբերակ, այդ թվում՝ ամբողջական (որի դեպքում սիլիկոնե վերնահագուստը վաճառվում է թևերի հետ միասին) և կիսատ (որի դեպքում կարելի է ձեռք բերել միայն սիլիկոնե հագուստի որովայնի և կրծքավանդակի հատվածը):  

Սիլիկոնե նորարարությունը տղամարդիկ կարող են կրել իրենց ամենօրյա հագուստի տակից: Կախված որակից և չափից՝ այն արժե 120-610 ԱՄՆ դոլար:

[0665720f21e7a90909c84ccda77e71f8.jpg]