Արարատյան մաքսատան տարածքում կայանված մեքենան թալանել են

Երեւանի Արարատյան մաքսատանը արտակարգ դեպք է տեղի ունեցել: Մաքսատան տարածքում մեկ տարուց ավելի կայանված մեքենան թալանել են:

Մենքենայի սեփականատեր Արմեն Գրիգորյանը NEWS.am-ի հետ զրույցում ասել է, որ իրեն ոստիկանությունից մի քանի օր առաջ են տեղեկացրել, որ մեքենան թալանել են:

«Մեքենան վրացական համարանիշներով էր ու անցած տարի մեքենան կինս էր վարել, ոստիկանները տուգանել էին նրա համար, որ ես մեքենայում չեմ եղել ու տեղափոխել էին հատուկ պահպանվող տարածք: Մի քանի օր առաջ էլ ոստիկանության աշխատակիցը հայտնեց, որ մեքենան թալանել են: Համ մեքենայի վրայից էին մասեր հանել, համ ներսից: Մոտ 900 հազար դրամի վնաս են հասցրել նախնական տվյալներով»,- լրատվականին ասել է նա:

Նա համոզված է, որ այս պատմության մեջ միայն մաքսատունն է մեղավոր, որ փակ եւ հսկվող տարածքում նման դեպք է տեղի ունեցել:

Նա հավելեց, որ մեքենան կայանված է եղել 1.5 միլիոն դրամի չափով: