ՏԵՍԱՆՅՈՒԹ. Լարված իրավիճակ համաչինական ժողովի նիստում. Պեկինը ցանկանում է արգելել բողոքի ցույցերը Հոնկոնգում
Եվրոպական միության անդամներն անհանգստացած են Հոնկոնգի համար և դժգոհ Պեկինի գործողություններից: Նրանք հեռուստատեսությամբ ու համացանցի միջոցով դիտել են, թե ինչպես են դեմոկրատ քաղաքական գործիչներին բռնի կերպով դուրս հանում Ժողովրդական ներկայացուցիչների համաչինական ժողովի նիստից: Նրանք բողոքել են Չինաստանի մտադրության դեմ ՝ հատուկ վարչական շրջանում խստացնել անվտանգության միջոցները և արգելել բողոքի ցույցերը: Հոնկոնգյան ընդդիմությունը դա համարում է որպես երկու համակարգի գոյության սկզբունքի խախտում:
Եվրամիության արտաքին գործերի նախարարության խոսնակը սոցցանցերում գրել է.
«Մենք ուշադիր հետևում ենք Հոնկոնգում տեղի ունեցող զարգացումներին: Մենք մեծ կարևորություն ենք տալիս «Մեկ երկիր. Երկու համակարգ» սկզբունքին:
Պատգամավորները դատապարտել են Պեկինի ծրագրերը:
Գերմանական «կանաչները» խոսնակի հայտարարությունը անվանել են «երկչոտ»: Ռայնհարդ Բուտիկոֆերը թվիթով գրել է, որ Հոնկոնգը կմնա կարևոր ֆինանսական կենտրոն, եթե Պեկինը անտեսի իր ինքնավարությունը:
Բելգիայի լիբերալ Գի Վերհոֆստադտը գրել է. «Չինաստանը մտադիր է ոչնչացնել ժողովրդավարության մնացորդները Հոնկոնգում:
Բրյուսելը դիմում է Պեկինին բավականին հստակ նախազգուշացնող հռետորաբանությամբ: Բայց Եվրամիությունը դեռևս չի հստակեցրել, թե գործնականում ի՞նչ է անելու Հոնկոնգին սատարելու համար, և պատրաստ կլինի ռիսկի ենթարկել իր հարաբերությունները Չինաստանի հետ:
Նշեմ, որ Չինաստանը մտադիր է Հոնկոնգում օրենք սահմանել ապստամբության և անջատականության դեմ
Ժողովրդական ներկայացուցիչների համաչինական ժողովը, որ կորոնավիրուսի համավարակի պատճառով դադարեցրել էր աշխատանքը, ուրբաթ վերսկսել է այն և իր օրակարգում ներառել է օրենքի նախագիծ՝ «Հոնկոնգի դատական համակարգի և իրավակիրառ մեխանիզի կատարելագործման մասին», որը պատասխանատվություն է սահմանում «ապստամբության, անջատականության և դավաճանության համար»։
Հոնկոնգի հիմնական օրենքը, ըստ էության՝ սահմանադրությունը, որն ընդունվել է 1997 թ․, Հոնկոնգը Մեծ Բրիտանիայից ՉԺՀ-ին փոխանցելիս, Պեկինին նման իրավունք տալիս է, սակայն մինչև հիմա չինական իշխանությունները դրան չէին դիմել։
Հոնկոնգում ժողովրդավարական արժեքների կողմնակիցների կարծիքով՝ այդ քայլը տեղական ազատությունները սահմանափակելու՝ Չինաստանի կոմունիստական ղեկավարության հերթական փորձն է։ 2003 թ․ «ապստամբելու մասին օրենքը» Հոնկոնգի օրենսդիր մարմնում ընդունելու փորձը ձախողվել էր զանգվածային ցույցերի միջոցով, որին մասնակցել էր մինչև կես միլիոն մարդ։
Վաշինգտոնը կտրուկ է արձագանքել այս տեղեկատվությանը՝ խոստանալով կոշտ միջոցներ կիրառել, եթե այդ օրենքն ընդունվի։
Փոխանցում է euronews.com-ն։
