Զելենսկիի հստակ ուղերձը՝ Թրամփին
Ուկրաինայի նախագահ Վլադիմիր Զելենսկին հայտարարել է, որ իր երկրին անհրաժեշտ է ԱՄՆ աջակցությունը հեռահար զենքի ոլորտում, քանի որ դրանց առկայությունն անգամ կարող է զսպող նշանակություն ունենալ։
Ինչպես հայտնում է РБК-Украина-ն, Զելենսկին նշել է, որ Ռուսաստանը ներկայում ձգտում է ռազմական հաղթանակի Ուկրաինայի նկատմամբ, սակայն դա չի հաջողվի, եթե Եվրոպան շարունակի ճնշում գործադրել Ռուսաստանի վրա։
«Ամերիկայի Միացյալ Նահանգները պետք է անկեղծ լինի հեռահար զենքի տված հնարավորությունների համար։ Դա շատ կարևոր է։ Նույնիսկ որպես զսպող գործոն, մենք պետք է ունենանք դրանք, որպեսզի կարողանանք դրանք օգտագործել»,– ընդգծել է Զելենսկին։
Նրա խոսքով՝ Ռուսաստանի դեմ Դոնալդ Թրամփի սահմանած նոր պատժամիջոցները նշանակալի են, սակայն դրանցով սահմանափակվել չի կարելի։
«Մեզ անհրաժեշտ են երկրորդական պատժամիջոցներ, մեզ անհրաժեշտ են հետագա, ավելի խիստ պատժամիջոցներ գազի, ինչպես նաև Ռուսաստանի Դաշնության ատոմային էներգետիկայի նկատմամբ»,– հավելել է Զելենսկին։
Հաղորդվում է, որ Զելենսկու վերջին հանդիպման ընթացքում ԱՄՆ նախագահ Դոնալդ Թրամփը հրաժարվել է Ուկրաինային մատակարարել հեռահար գործողության Tomahawk հրթիռներ։
