Փաշինյանը Ուզբեկստանի նախագահին պաշտոնական այցով հրավիրել է Երևան
ՀՀ վարչապետ Նիկոլ Փաշինյանը Ուզբեկստանի նախագահ Շավկատ Միրզիոեւի հետ հանդիպման ժամանակ նրան պաշտոնական այցով հրավիրել է Երևան:
Այս մասին «Ֆեյսբուք» սոցիալական ցանցի իր էջում գրել է ՀՀ վարչապետ Նիկոլ Փաշինյանը:
«Այսօր պատմական հանդիպում ունեցանք Ուզբեկստանի նախագահ Շավկատ Միրզիոևի հետ: Որքան էլ տարօրինակ թվա՝ Հայաստանի և Ուզբեկստանի ղեկավարները երբեք պաշտոնական հանդիպում չեն ունեցել, և սա առաջին նմանատիպ հանդիպումն է:
Նախագահ Միրզիոևն ինձ հրավիրեց պաշտոնական այց կատարել Տաշքենդ: Ես էլ նրան հրավիրեցի պաշտոնական այց կատարել Երեւան»,- նշել է ՀՀ վարչապետը:
