Մոսկվայի և Իսրայելի հարաբերությունները լարվում են

Ռուսաստանի Դաշնությունը Սիրիական բանակին թույլատրել է Իսրայելի ավիացիայի դեմ օգտագործել զենիթահռթիռային համակարգեր։ Այս մասին հաղորդում է lenta.ru-ն՝ հղում կատարելով Avia.pro պորտալին։ 

«Ռուսաստանը թույլատրել է սիրական զինված ուժերին մարտական պատրաստության աստիճանի բերել C-300 համակարգերը և անգամ նվազագույն սպառնալիքի դեպքում հարձակվել»,- աղբյուրի խոսքը մեջբերում է պարբերականը։ Avia.pro-ի զրուցակիցը հստակեցրել է, որ զենիթահռթիռային համակարգերի օգտագործման ողջ պատասխանատվությունը կրելու է սիրիական կողմը։ 

Որոշումը ռուսական կողմը կայացրել է սիրիական տարածքը իսրայելական F-35 համակարգերով հերթական անգամ Իսրայելի կողմից հարվածելուց հետո։ Համաձայն Մոսկվայի հետ ունեցած պայմանավորվածության՝ իսրայելական կողմը չպետք է նման քայլի գնար, չնայած, որ վերջին շրջանում իսրայելական կառավարությունը մեկ անգամ չէ որ խախտել է այս պայմանավորվածությունը։