Մհեր Գրիգորյանի հետ աշխատանքից ազատման հարց չի քննարկվել

Փոխվարչապետ Մհեր Գրիգորյանի գրասենյակը հայտարարություն է տարածել` հերքելով նրա՝ աշխատանքից ազատման մասին լուրերը։

«Մհեր Գրիգորյանի հետ նման հարց երբևէ չի քննարկվել»,–նշված է հայտարարության մեջ:

Հիշեցնենք, որ մամուլում լուրեր են շրջանառվում, որ հրաժարականների շքերթն այս օրերին շարունակվելու է։ Ըստ լուրերի` պաշտոնին հրաժեշտ տվողներից մեկն էլ Մհեր Գրիգորյանն է լինելու։

Օգոստոսի 16–ին ՀՀ վարչապետ Նիկոլ Փաշինյանը հայտնեց, որ ստորագրել էր Վանեցյանի հրաժարականի միջնորդությունը։ Դրան հաջորդեց Վանեցյանի հայտարարությունը, իսկ ավելի ուշ ՀՀ նախագահ Արմեն Սարգսյանը ստորագրեց հրամանագիրը։

ՀՀ նախագահը երեկ` սեպտեմբերի 18–ին, հրամանագիր էր ստորագրել Վալերիյ Օսիպյանին ոստիկանության պետի պաշտոնից ազատելու մասին։ ՀՀ ոստիկանապետի պարտականությունները կատարելու է Ոստիկանության պետի առաջին տեղակալ Արման Սարգսյանը։ Օսիպյանը հայտարարություն էր տարածել՝ նշելով, որ իր հեռանալու պատճառների մասին կխոսի ավելի ուշ։ Օսիպյանն արդեն նշանակվել է ՀՀ վարչապետի գլխավոր խորհրդական։