Դավիթ Տոնոյանն՝ իր հրաժարականի լուրերի մասին

Չկա նման բան: Այս մասին այսօր ԱԺ-ում լրագրողների հետ ճեպազրույցում ասաց պաշտպանության նախարար Դավիթ Տոնոյանը՝ անդրադառնալով իր հրաժարականի մասին լուրերին:

«Չկա նման բան, նման որևէ քննարկում չենք ունեցել»,-ասաց Տոնոյանը:

Տոնոյանը չմեկնաբանեց Արթուր Վանեցյանի հրաժարականը ԱԱԾ տնօրենի պաշտոնից․ «Չեմ կարող մեկնաբանել, որովհետև դա անհատական որոշում է եղել: Տեքստը ևս չեմ կարող մեկնաբանել, որովհետև դա նույնպես իր իրավասությունն է. պարոն Վանեցյանը դա կանի ժամանակին»:

Անդրադառնալով ոստիկանապետ Վալերիյ Օսիպյանի հրաժարականի մասին լուրերին, Տոնոյանն ասաց. «Ես տեղյակ չեմ, ես հերքում եմ որևէ քննարկում Ազգային անվտանգության խորհրդում այդ թեմայով: Նիկոլ Փաշինյանի հետ տարաձայնություն չունեմ»: