Վերելակը պոկվել է երեւանյան ռեստորանային համալիրում եւ ընկել 12 մետրից

Նոր մանրամասներ են հայտնի դարձել այսօր՝ հուլիսի 27-ին, Երեւանյան ռեստորաններից մեկում վերելակի պոկվելու դեպքից։

Հիշեցնենք, որ Երեւանում, այսօր՝ հուլիսի 27-ին, արտակարգ դեպք է տեղի ունեցել. ժամը 18:35-ի սահմաններում, ԱԻՆ Փրկարար ծառայության 9-11 օպերատիվ կառավարման կենտրոն ահազանգ է ստացվել, որ Էրեբունի վարչական շրջանի Ազատամարտիկների 82 հասցեում երկհարկանի ռեստորանային համալիրի վերելակը մոտ 12 մետր բարձրությունից ընկել է, որի մեջ եղել է 2 աշխատակից։

Shamshyan.com-ի փոխանցմամբ, վիրավորները՝ ըստ բժիշկների հայտարարության, ծայրահեղ ծանր ախտորոշմամբ տեղափոխվել են հիվանդանոց:

Ոստիկանությունը պարզում է վիրավորների ինքնությունը:

Քիչ առաջ ֆոտոլրագրողը հայտնեց, որ քննիչները պարզել են, որ հիվանդանոց տեղափոխվածներն են՝ 45-ամյա Էդմոն Թադևոսյանը, ով հիվանդանոցում մահացել է, իսկ վիրավորը 59-ամյա Արայիկ Մարտիրոսյանն է: