ԱՄՆ-ում ատրակցիոն է խափանվել. տուժածների թվում կա 10-ամյա երեխա

ԱՄՆ-ի կալիֆոռնիական Ռիվերսայդի զվարճանքների այգու «Ջրային բլրակներ» ատրակցիոնի աշխատանքի խափանման հետևանքով 3 մարդ է տուժել։ Նրանցից մեկը տարեց տղամարդ է, ով ծայրահեղ ծանր վիճակում գտնվում է հիվանդանոցում։ Տուժածներից մեկն էլ 10-ամյա երեխա է։ Այս մասին հայտնում է Fox News-ը։ Ջրային հոսանքով ցած իջնելու ավարտին արգելակում չի կատարվել, ինչի արդյունքում այցելուները դուրս են նետվել պարկուճից։ Նախնական տվյալներով՝ միջադեպի պատճառ կարող էր լինել չաշխատող ջրային պոմպը, որը նախատեսված էր սահուն արգելակման համար։