Հրդեհ Ղրիմի դելֆինարիումում. դելֆինները չեն տուժել
Ղրիմի Սևաստոպոլի դելֆինարիումի հրդեհը ոչնչացրել է շենքի մի մասը: Այս մասին հաղորդում է «РИА «Новости»-ն: Ըստ աղբյուրի փոխանցած տեղեկության` կրակը գրեթե ամբողջությամբ ոչնչացրել է դելֆինարիումի տանիքը, ենթակառուցվածքների մի մասը, ինչպես նաև հուշանվերների խանութները: Նախնական տվյալներով` հրդեհը տեղի է ունեցել այսօր առավոտյան` ժամը 07.00-ի սահմաններում: Կրակի պատճառները դեռ հայտնի չեն: Կենդանիները չեն տուժել, չնայած նրանք գտնվում էին հրդեհի օջախից 10 մետր հեռավորության վրա: Սակայն որոշում է կայացվել երկու դելֆինի տարհանել: Այժմ կրակն արդեն մարվել է: Տեղում աշխատում են իրավապահները և քննիչները՝ հրդեհի պատճառը պարզելու համար:
